Dei sangeh lai School Duty u sdang yakhih kiwa kreh ka MTC

Shillong: Kiwa kreh ka Meghalaya Transport Corporation hapoh ka satri yong ka Meghalaya Transport Corporation Workers Union (MTCWU) da pynman ki ya i yakhih wa syndet ynne ka sngi hakhmat ka yung krehkaam yong ka wa em ha Khyndelad, Shillong.

Ini i yakhih syndet kiwa kreh ka MTC toh kam ka dak wow pyrchah yei leh ka sorkar wow kyrriah kaam ya ka Managing Director, ka Aldealyne Nikhla wei da thung won da u Joint Secretary, u PM Sangma heithaw yong ka.

Wow pynjoor ya ini i dawa wow pynneh ya ka Nikhla, kiwa kreh da rai ki wow pynsangeh ya i pyllai ya ki School Bus nadooh mynstep katwa ympu rai deiwi tawon.

U President ka Union u K. Rumnong hawa yaklam wa kiwa pathai khubor da ong wa i daw wa dawa wow pynneh ya ka Nikhla kam ka MD toh neidaw wa man ko kawa kreh chitom heiwa da leh ko ya ki kaam ka MTC hapoh i por wa tbian kawa da pynim sakhiat ya kani ka Corporation.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Hei yatoh wa ini, ka Union da thoh ko cha u Montri Rangbah wa u Chief Secretary wow pynneh ya ka Nikhla.

Da pyntip u leh wa da rai wow sangeh kreh toh wym mano ka sorkar hanlada dep thoh cha ki.

Ka Nikhla toh kawa chimkti yeini i kaam 9 bnai nachwa iwa mut ha u Naiynñiaw 2016 tangwa da chah kyrriah noh ko.

Ha ini i sangeh kreh kiwa kreh da daiñ ki leh da ki lama wa yong yow pynyoo yeini i pyrchah ki yei leh ka sorkar.