Dei sma kiad wan kiwa kyrchaan ka Shree Cement yow pyrchah yei thmu pynman yalang ka KSU-EJHDU

Ka KSU-EJHDU ynne da hiar ko cha ka chnong Daistong da i thmu wow pynman yei pynsñiawthooh paidbah yow kyntait ya ka Public Hearing kamjooh yei wan ka karkhana Shree Cement hapoh ka chnong.

Heipor wa dang lai luti cha ka thaw wa thmu wow pynman yei pynsñiawthooh paidbah, da wan kiwa kyrchaan ka Shree Cement kiwa da khanglaad wei kylli takit yei daw wa wan ki heiwa da mih leh i yania.

Ka KSU-EJHDU da ong ko wa kini ki bru wa kyrchaan ya ka Shree Cement toh kiwa da sma kiad, kiwa da muaid wei da pyrchang ki leh wow khanglaad ya kiwa pyrchah wow pynman ki ya kani ka pynsñiawthooh paidbah.

Hadien wa da ptieñ i yania, neiliang ka KSU-EJHDU da lai pynman ko ya kani ka yalang ha kawi won ka thaw deiwa emlang ki paidbah wa chnong ka Daistong heiwa da man ko kawa lai bait.

Related posts

Ya tyrrah le tylli ki Truck ha i jooh i thaw | Kat wym pu pynchna ya u NH-6 daw pteiñ ong kiwa chong chnong ka Rattacherra

January 9, 2026

Kular u heh spah ka India wow e palat 75% ka poisa u cha ka imlang sahlang hadien wa khlaad syndet u khon

January 9, 2026

Kam wow pynkynmoo wa ya ka Public Hearing u pynman ha ka 19 tarik.