Ki pulit ka jylla na ka Meghalaya Police Service (MPS), 2004 Batch da pynmih ki ya ka Video neibynta u para wakreh yong ki, u (L) Raymond Phillip Diengdoh, MPS Ashok Chakra (Posthumous) wa waroh kiwi ki pulit ka jylla kiwa da khlaad heipor wa kreh.
Ya ini i Video da pynlait da ka R.M. Kurbah, Deputy Commissioner, Ri-Bhoi District ynne ka sngi ha District Library Nongpoh heipor wa lehkmen ua ka Meghalaya Day.
50 snem nachwa nadooh wa mih ka jylla Meghalaya, napyrdi kiwa kreh pulit waroh da em 127 ngut kiwa da dooh noh yei mynsien yong ki heipor wa yakhun pyrchah ya ki damok kieñ suloi wa kiwi kiwi.
Ini i Video toh kam ka dak wow su kylliang ya ki deiwa burom wei sñiawngooh kamjooh wow ekhublei kyrpang ya ki ryngkat i ngooh i dem neibynta i ekti wa khroo deiwa ekti yei mynsien ya ka ri.
Neiliang ki pulit da ekhublei ki ya ka Idashisha Nongrang, ka Special Director General of Police, wa da kyrchaan wei e mynsien neipor cheipor ya kani ka Community Policy Programme wa ki pulit MLP waroh.
