Jowai: Ki soo tylli ki seiñbhalang kiwa kynthup ya ka Meghalaya Peoples’ United Front (MPUF), ka Jaiñtia Students’ Movement (JSM), Hynniewtrep National Movement East Jaiñtia Hills District (HANM-EJHD) wa ka Hynniewtrep National Youth Front (HNYF) ynnin i janmiet yong ka 24 tarik da thang mombati ki wow kynmoo warom ya ki ar tylli ki mynsien wa da dooh ha Mookhep.
Kini ki ar tylli ki mynsien toh yong ka Setlang Phawa wa u Derestmon Siangshai kiwa da chah siat yap ha kti ki pulit heipor yakhih ka MEPRIL.
Ha kani ka janmiet da em ka yalang wa da pyllai da u President ka MPUF u D. Wanmi Laloo, da yoh i klam tbian na u president ka JSM u Leningstar Rymbai, i klam na kiwa hayung kiwa chah siat, wa i klam ekhublei na u president ka HANM ka East Jaiñtia u Ency Shadap.
Hadien kani ka yalang da pynman noh ya kani ka thang mombati ha kani ka thaw wa em uni u mot sahkynmoo.
Discussion about this post