Neiliang kiwa ha-yung ha-sem u (L) Hudderfield Rymbui uwa na Nongtalang, West Jaiñtia Hills da pyntip ki wa daw pynman ki ya ka thang mombati neibynta yong oo ha madan Malki heipor 4:00 waje i janmiet ka 22 tarik uni u bnai.
Neiliang ka yung da ong ko wa u Hudderfield da dooh noh u yei mynsien u ha ka 15 tarik uni u bnai wei da kwah ki wow pynsñiawthooh paidbah wei wow paan leh yei kyrchaan yow pyndoh pyndam noh ya ka VIP Culture yow lait sa kiwi wow maad yei sñiawsih.
Kamtæ da khut ya phi ki paidbah wow wan cha kani ka thang mombati yow pynyoo yei yieñ skem, neibhah iwa jia ya u Hudderfield toh iwa ye wow yada wei iwa jia ya oo leh ymtoh wow mylliñ ki wei wow ieh khlem da em wa bahkhlieh khamtam kitu kiwa em hei bor.
Da ong leh wa kani ka yalang ymtoh deiwa kwah u leh Politics næ deiwa mihkhmat neibynta kawon kawon ka Political Party wei u man ko leh kawa deiwa jai jai wei kawa da yoh bor na ki bor District.
Da pyntip leh wa daw emlang leh ha kani ka sngi wa ka Daphi kawa emlang wei kawa sakhi yeiwa jia ya u Hudderfield.
Discussion about this post