U MLA ka Nartiang Constituency, u Sniawbhalang Dhar kam chibynta wow e kyrchaan ya ki manyung wa dooh wa duk hapoh ka Constituency, da e yarap u da ki Tin sap yung cha 5000 tylli ki manyung. Wei yei saam ya kini ki Tin da sdang nadooh ka 19 tarik uni u bnai ha chnong Wahiajer.
Hawa e yei klam, neiliang u Sniawbhalang da ong u wa i saam ya kini ki Tin toh cha waroh ki chnong ka Constituency wei kani ka sngi toh i sdang na chnong Wahiajer.
“Kam u MLA nga dadep sam Tin O da boonsien hapoh ka Constituency, wei boon ki manyung da yoh bynta ki tangwa ya kini ki Tin da pynkhreh neibynta kitu ki manyung kiwa dang mih thymme, kamjooh leh ya kitu kiwa da emkaam wow pynchna ya ki yung warim ki”, da ong Sniawbhalang.
Da ong u leh wa da em i kyrmen wa waroh ki manyung wa dooh wa duk kiwa em hapoh ka Constituency u yoh bynta ki hapoh ini i mang wa 5000 tylli ki manyung wei da kyrmen u wym em de ki yung wa sap yung da u phlang hapoh ka Constituency yong oo.
Ha kani ka sngi sdang da em kamwa 600 tylli ki manyung kiwa da yoh bynta na ka chnong Wahiajer wa ki chnong wa marjan.
Ini i saam Tin daw pteiñ ha ki sngi wa bood ha ki chnong wa ki dong yong ka Constituency khnang wow pynsuk ya ki paidbah.
Discussion about this post