Ynne ka sngi, ki pulit ka East Khasi Hills ryngkat ki Anti Narcotic Task Force (ANTF) da hiar ki cha ka thaw rep ha kawi ka chnong yow phut naphang ya u bhang wa da mih ha katai ka thaw kawa heh bha.
Kani ka chnong toh kawa tip kam ka Laitlulong kawa em ha thaaiñ Sohiong.
Ki pulit da lai ki cha katai ka thaw ryngkat i yahkhmat u SDPO ka Sohra, u Pynhun Syiem wa u Executive Magistrate yong ka Sohiong, u Dr. CJK Warjri deiwa emlang ki sahep ka chnat Excise wa kiwa na ka chnat Forest and Environment.
Ki pulit da pam wei da kynjroi ki naphang ya uni u bhang wa da mih ha katai ka thaw deiwa sakhilang u Sordar ka chnong, uwa da ong wa uni u bhang toh uwa pna mih hi ymtoh wa em wa thung oo ha kani ka thaaiñ.
Hadien wa da phut da pam, ki pulit da kit ki da ka Truck yow lai thang noh.
Neiliang ka sorkar da phah ko ya kiwa chong chnong ka Laitlulong wow pam lut ya waroh kini ki dieñ bhang hapoh le sngi.
Discussion about this post