Ka Pynbha Village Organisation (VO) yong ka chnong Pammanik wa haap hapoh Laskein C&RD Block, West Jaiñtia Hills District toh kawa kynthup ya 42 tylli ki SHG wa da seiñ hapoh ka Meghalaya State Rural Livelihood Society (MSRLS, BMMU Laskein Block), ha ka 28 tarik uni u bnai da e kti ko ya ka yung wa chna ko neibynta ka Mahiia Sajem kawa man kawi naki para dkhot wa duna tam i yoh i laa wei kawa em duna leh hei doh i pran.
Ka Mahiia Sajem em ko 5 ngut ki khon, wei neiliang ka VO hadien wa yoo ko yaka yung ka sem kani ka manbei para dkhot kamjooh i jynjar chitom ko, da chim noh ki yei rai wow sdang pynmih poisa neibynta u leh iyi re iyi yaka lyngba i yohbor na u waheh chnong.
Kamtæ hadien wa lang ka poisa da sdang ki u chna yung yaka wei hadooh wa dep i lut da kynjoh ko kamwa T.1,00,525.
Ha katai ka sngi wa e kti yaka yung da em ka yalang tbian wa pynlai daka Nehipaia Dhar, President ka VO katwa u B. Shylla da man u kam u kongsan.
Da yoh i duwai naka Handa Talang, da yoh i klam na u Waheh Chnong Pammanik, u R.F. Talang, i klam neiliang ka VO da ka Firsterborn Talang, neiliang ka BMMU Laskein da u CFS Khonglah wa i klam naka Mahiia Sajem kam kawa chimkti ya kani ka yung.
Waroh kiwa klam da e yaroh ki yaka Pynbha VO hajrong i kreh chitom yong ka u yarap ya kani ka manyung wa em hapyrdi i dooh i duk, heijooh i por da pyneh bok ki leh yaka Pynbha VO wow nang ye chooh chooh ko u lehbha neini chakhmat.
Yei ktien e khublei da yoh naka Yooda Suchiang.
