Deilang i drugs wa boon chem ka KSU hawa beh ya kiwa sah pyrchah aiñ ha Paltan Bazar

by Wyrta Staff

July 28, 2025

Reading Time: 3 mins read

Ha ka miet ka 28 tarik uni u bnai, ka KSU da hiar ko wow lai kynreh ya ka ktem sah pyrchah aiñ ki mynder hajan ka thaw pynyieñ kari ha Paltan Bazar (Cantonment) kawa em markhap wa ki chnong kam ka Mawbah wa Nongsohphoh Upper Mawprem, Shillong.

Heini i lai kynreh ka KSU da chem ko wa kini ki bru toh ki wym em ki kot ki sla kam ki EPIC wa kiwi kiwi wei da chem leh ya ki jiat dih pynmuaid kam ki drugs, u bhang wa kiwi de.

Da chem leh wa kani ka thaw toh kawa jakhlia, kawa sma wei da kær yei thaw sah da ki Plywood wa ki synduk wei da sah palat 50 ngut kiwa em leh toh kiwa khayi drugs kiwa dai bhang, kamtæ da beh syndon ya kini ki bru deiwa phah pynlang ya ki tiar ki tar yong ki wei da tympra leh ya kini ki thaw sah.

Ka seiñ da ong ko wa ini toh wa tlot ka aiñ hadooh wa da yoh kini ki bru wow leh kamni.