Ki bor District ka West Jaiñtia Hills deiwa ya krehlang wa ka Jowai Municipal Board deilang wa ka Dorbar Chnong Tympang Iawmusiang, Jowai da pynman ki yei pynkhooid chnong khamtam ki pynta wa pynman yaaw ynne ka sngi kam chibynta wow lehkmen ya ka sngikha u Mahatma Gandhi kawa tip leh kam ka Gandhi Jayanti.
Ka sngikha toh kawa ha ka 2 tarik u Naichiphaw tangwa neidaw wa ha uni u snem haap ko ha ka sngi Bibar kamtæ da pynman yei pynkhooid chnong ynne ka sngi.
Ha kani ka sngi da chimbynta ha ini i pynkhooid yaw da kiwa chong chnong ka Iawmusiang, kiwa chong dai wa kiwi kiwi de deiwa pynykhooid ya ki yaaw ka CNI, Seinraij, Yaaw Chyiap ka JPC kamjooh ki thaw wa em chajan.
Hachwa ini da em ka yalang yow wai ya kani ka pynkhooid chnong wa da leh da u Additional Deputy Commissioner, u P K Boro.
Katkam wa phah u Deputy Commissioner, ki yung krehkaam sorkar leh da chimbynta ki wow pynkhooid ya jar jiar ki yung krehkaam.
