Ka yung krehkaam ka District School Education Officer, West Jaiñtia Hills ynne da lehkmen ko ya ka 63rd Teachers’ Day ha ka yalang wa chongkun wa da pynman ha District Library Auditorium, Mynthong, Jowai.
Ha kani ka sngi da emlang u Lahkmen Rymbui, MLA ka Amlarem kam u kongsan deilang ka B. Blah, Additional Deputy Commissioner kam ka symbood kongan.
U Lahkmen hawa e yei klam da yaroh u ya kiwa sikai skur kiwa da e lut yei bor yow seiñdur ya ka mynried ki khynnah deiwa ong leh wa i sikai skur ymtoh de i kaam wa suk wei iwa khia bha ym du wow e yei stat tangwa wow pynkupbor ya ki khynnah kamjooh wow yahluti ya ki yow man ki kitæ kiwa chong chnong kiwa ye u jop yeiwa eh ka pyrthai wa katni.
Da pynsñiaw u leh yei kmen wow yoo wa kiwa sikai skur da pynthymme ki yei stat yong ki katkam wa emkaam deiwa lai pyndep yei chah sikai kamjooh ki chah hikai Online lyngba ka NISHTHA.
Ha kani ka sngi da pynkup buorm ya kiwa sikai da ka District Award wa kyntup ya ka Diamond Paswet, Assistant Lecturer, Government Boys’ Higher Secondary School (Hr. Sec & Sec Level).
U Emperor Gassah, Head Master, Trangblang Govt. U.P. School, Trangblang (U.P. Level).
U Pratap Singh Khonglah, Head Teacher, SR Manner Memorial Government Lower Primary School, Sohkha (L.P. Level).
U Carefully Gassah, Assistant Scout Master ka Jowai Open Scout Troop.
Ka Grecorisa Sana, Guide Captain, Lissi Pearl Guide Company.
Neiliang ki khynnah skur da pynphooh pynphieñ ki ya kani ka sngi da ki rwai ki chaad wa boon jait.
Discussion about this post