Kam chibynta ka World Music Day, neiliang ki bor District ka West Jaiñtia Hills leh ha ka 21 tarik uni u bnai da chimbynta lang ki wow lehkmen ya kani ka sngi ha Auditorium ka District Library, Jowai da ka tamasa wa pynman da ka yung krehkaam u Deputy Commissioner chirup i krehlang ka District Society for Arts and Culture, West Jaiñtia Hills District.
Ha kani ka lehkmen da wan wow pynyoo yei sap hei chaad i rwai ha deilang ki tiar tem tiar put yongrim wa kiwa katkam ka juk katni heiwa da mih rynsan da ki khynroo khyllood wow e i rwai i chaad tynre, kamjooh i rwai pyrthai wa katni wa kynthup ya u Kenneth Anderson Iakai, u Armanki Nikhla, ki Padu Bloozy, ki Lynx, Rophilang Lyndoh, ka Seiñkyntu Seiñraij Khat-Ar Daloi, ka Nongtalang Rongkhla Troupe, ka Chandanga Music School, Harmonium (Traditional and Fusion Music Group), ka dhab tem u Player Suna, neitæ kiwa mihkhmat na ka Government Boys Higher Secondary School, Kiang Nangbah Government College Jowai, Thomas Jones Synod College wa kiwi.
Da em leh i pynyoo rong ya ki tiar tem tiar put tynre, kamjooh i pynyoo rong ya ki riam ki bait tynre wa em jar jiar i yumut deiwa sap da ki khyllood wa lai ha rynsan.
Najrong ki paidbah wa boon wa wan sakhi yei lehkmen ya kani ka World Music Day, da sakhi lang leh nadooh u Lahkmen Rymbui, MLA ka Amlarem, u DC wa SP ka West Jaiñtia Hills District, ki Magistrate wa kiwi.
Discussion about this post