Ka KSU Khliehriat Circle deilang ka Association Nongrep Elaka Nongkhlieh East Jaiñtia Hills District ynne ka sngi da lai booh dorkhat ki ha u DC ka District wa ha u CEM ka JHADC yow pynsñiaw yei pyrchah yei pynman Public Hearing ha ka 19 tarik uni u bnai hajrong i thmu wow seiñ ya ka Shree Cement Limited ha ka chnong Daistong, East Jaiñtia Hills District.
Ha u CEM da pynsñiaw wa kammon u baar jylla da yoh u wow thied thaw hapoh u pood u ang ka JHADC heiwa wot ka Council leh ym tip ko iyi iyi yeini. Deiwa ong leh wa katwon u chah ktah kiwa rep manda sngad ka umbaam umdih wei manda wiar ki pynthor waroh.
Neiliang u CEM da kular u wow chimkhia wow takit yeini wei lada poi ha ka miej ka Council daw pynsangeh noh yeini i thmu.
U DC won da ong u wa ini i pyrchah pynman Public Hearing daw lai rah ki cha ka Meghalaya State Pollution Control Board wa cha ka State Environment Impact Assessment Authority yow chim yei rai.
Heiyatoh wa i thied thaw, u DC da ong u kiwa thied thaw dang yaleh ki ya ka Sanction wei ka Notice hadooh kattæ ym pu em pynmih neibhah dang hap wow lai lyngba ka Revenue Department yow pait sani ko yeini.
Ka seiñ da ong ko hawa ym pu em pdiang yei thied thaw kammon da khut pynman Public Hearing.
Discussion about this post