Ka Education Cell ka JSM Western Region hapoh i yahkhmat u H. Supuh chirup wa kiwa yahkhmat ka JSM Jowai Circle nadooh u President, u Knermi I Khynriam, u Secretary, u Suni Donhi Sari wa u Vice President, u Balusa Rymbai wa kiwi de kiwa yahkhmat deilang wa ki khynnah wa dooh thaw lai puræ Class XI, ynnin ka sngi da yoh ki wow lai yachem wa ka Principal ka Kiang Nangbah Govt. Higher Secondary School, Jowai yow yarap u leh iyi re iyi neibynta yong ki.
Neiliang ka Principal da pyntip ko cha ka seiñ wa kamwa man kattæ ha Kiang Nangbah Higher Secondary School ym em thaw de neibhah dadep chim palat 400 ngut ki khynnah ha ka Arts Stream (Day Section) kamjooh leh ha ka Morning Section.
Tangwa kattæ leh neiliang ka Principal da kular ko u bichaar bniah biang yeini.
Hadien wa dep yachem waka Principal, neiliang ka JSM da lai yachem ko wa u DC ka West Jaiñtia Hills yow pynbait smat khnang wow lait u sepai i puræ puthi ki khynnah deiwa rah lang leh yei pyrtuid kitu ki wym pu yoh thaw lai puræ wei da kular u wow chimkhia yeini.
Neiliang ka JSM Education Cell da ban joor ko ya kiwa pynlai ya ki thaw puræ sorkar nadooh ka DSEO kamjooh ya u DC wow chimkhia ki yeini waroh.
Discussion about this post