Ki bor District ka East Jaiñtia Hills deiwa ya krehlang waka yung krehkaam u Block Development Officer, Wapung C&RD Block wa kiwi de ki chnat sorkar haka 24 tarik da pynman ki yaka yalang pynsñiawthooh paidbah ya kiwa boon ki Scheme sorkar kam chibynta ka Viksit Bharat Sankalp Yatra (VBSY) kawa da pynman ha Iongkaluh wa Jalyiah kiwa man ki chnong wa em hapoh ka Wapung C&RD Block.
Ha Jalyiah da emlang u Sailesh Kumar, Director of Finance, Ministry of Rural Development ka sorkar India uwa da thung leh kam u District Prahari (Observer) ka East Jaiñtia Hills District.
U Kumar hawa e yei klam da pynsñiaw u yei kmen wow yoh u embynta hapoh ka District wow pynsñiawthooh ya kiwa boon ki Scheme wa da pynkrehkaam da ka sorkar India deiwa kyntu ya ki paidbah wow chim kabu ki yow pyntikna 100% yoh myntoi ki.
Da saam leh ya ki Certificate cha kiwa yalehke Sport wa bna naam ka Jalyiah wei da e leh ya ka LPG Connection wa thymme cha kiwa yoh myntoi hapoh ka PM Ujjwala Yojana.
Ha kani ka sngi da pynman leh yaka Free Medical Check-up, ka Tuberculosis (TB) Screening wa kiwi de da ki bru ka chnat i chait i khiah wei da booh leh ya ka thaw thap pyrtuid hapoh ka Ayushman Bharat- Pradhan Mantri Jan Arogya Yojana heiwa da em boon kiwa da wan chakhmat.
Neiliang ka chnat Agriculture and Farmers’ Welfare da yaklam ki wa ki warep ka thaaiñ hajrong i emkaam wow syndong yei khyndaw wei da pynchlur leh ya ki wow phah Test ki yei khyndaw yow tip kiwon ki jait jhoor wa miat u rep ki.
Da em leh i klam na kiwa yoh kyntoi na ki Scheme kam ka Pradhan Mantri Awas Yojana-Gramin (PMAY-G) waka National Rural Livelihood Mission (NRLM).
Kani ka Viksit Bharat Sankalp Yatra (VBSY) ha East Jaintia Hills District u pteiñ ya ka deiwa lai leh cha 40 tylli ki chnong kiwa em hapoh ka Wapung C&RD Block, 30 tylli ki chnong ka Lumshnong Block wa 34 tylli ki chnong wa em hapoh ka Saipung Block hadooh ka 26-01-24 kawa man leh kam ka sngi pynkut.
Discussion about this post