Ka e sikai hajrong ki kaam poisa poilaiñ namo ka Field Level Financial Literacy Event da pynman da ka Reserve Bank of India, Shillong ha yung dorbar ka chnong, Mawkawah, Nongstoin, West Khasi Hills ha ka 26 tarik uni u bnai.
Ya kani ka yalang da wan wow wai da u Olden Nongpluh, General Manager wa Officer-in-Charge (GM(O-i-C)), Reserve Bank of India, Shillong deiwa emlang u GM(O-i-C), NABARD, ki sahep na ka yung krehkaam u BDO ka Nongstoin Block deilang wa ki sahep ki Bank wa krehkaam ha kani ka thaaiñ.
Neiliang u General Manager hawa e yei klam da khana u ya kiwa boon ki myntoi wa yoh deiwa em ya ki Bank Account. Da khana leh kammon u leh ki yow yada nei chah thok chah kukor, kammon e yarap ya kiwa chah thoh chukor, i laad ujor wa ki Bank kamjooh ki laad phah poisa katkam ka juk wa katni, kitæ ki UPI, BHIM, USSD wa kiwi kiwi.
Waroh da em kamwa 160 ngut kiwa da wan u chimbynta deilang ki warep, ki SHG wa kiwa seiñ khih.
Ha kani ka yalang da e leh ya ki ram wa 18 tylli na ki Bnak waphær waphær kiwa dapoi T. 1.08 klur cha kiwa yoh myntoi kiwa da emlang ha kani ka sngi. Chooh chooh ki Bank da booh ki leh ka thaw wa kyrpang du neibynta ki warep wow e yarap yeiwa emkaam ki hadooh wow kylliang poisa ya kiwa wan embynta ha kani ka yalang.
Neiliang u waheh chnong da pynsñiaw u yei sñiawngooh ya kiwa mihkhmat ka RBI wei da e khublei u leh ya waroh kiwa wan chibynta deilang wa ki bru na yung krehkaam u BDO wa kamjooh kiwa kreh ha ki Bank iwa da pynman ya kani ka yalang kawa jop.
Discussion about this post