Deiwa bood ya ka Google Map psiah ka Truck 16 chaka cha Iawmusiang yow lai pynhiar sabon

Kawi ka Truck 16 chaka kawa em Number UP-15GT-9025 ynne i janmiet heipor kamwa 4:20 da psiah ko cha Iawmusiang, Jowai deiwa mut wow lai cha Kynrooh Saphlang wei yeini da leh deiwa bood uwa yah kani ka Truck ya ka Google Map.

Neidaw wa jrong kani ka Truck da sahkut ki kari wa mut u psiah cha Iawmusiang kiwa wan neiliang ka Kynrooh Saphlang deilang kiwi ki kari.

Hawa yaklam wa uwa yah ya kani ka Truck da pynyoo u wa katkam wa phah cha oo ha WhatsApp, i thaw namo ka Map Location wa toh u pynhaap tiar u katkam ka Google Map toh iwa da jan poi u iwa sa du kamwa 40 Meter donhi.

Da khana u leh wa ki mar wa kit u toh ki sabon wei da wan kit u ya ini na Delhi wei da lai u katkam wa bood ya ka Google Map.

Related posts

Dei pyrtuid Raja e ka yung ka sem ya u khonboo wa kha nyngkong hadien wa yap u Raja Raghuvanshi

March 31, 2026

Wan hiar paidbah ka Huroi wa Lahalein cha Jowai wow pyrchah yei e Sanad ka JHADC ya ka Umpyrshin

March 31, 2026

Heipor wa dong u wow psiah cha Kynrooh Saphlang da embhah wa lait kawi ka kari Maruti Alto u chah syngkhood wei da sangeh u leh hadien wym ym ye du wow khun ya ka kari.

Hadien wa wan ki pulit da ye wow pyndong biang ya kani ka Truck wei hadooh wa pynmih ya kani ka khubor ym pu tip wa lada bakla luti næ ym em wei kammon leh ym em wa ksoh ya kani ka Truck kawa dapoi dei por sngi chapoh ka chnong Jowai.