Deiwa chna ya ka New Shillong City daw mih 1.5 lak tylli ki kreh: Conrad

U Chief Minister, u Conrad K Sangma da ong u wa ka New Shillong City toh ka thaw wow pynyoo wa roi ka jylla, ka wow e khih wei wow wailaad ya kiwa boon, wei yeini da ong u ynne hapoh Assembly.

Da khana u wa ka New Shillong u chna ya ka hajrong ka yurim wow pynku ya ki kaam uiñke, ki yalehke Sports, ki rukom im wa kyrpang ki jaitbru, i puræ puthi wa i stat katkam ka juk wa katni heiwa daw riñ ko ya ki karkhana wei daw ye u pynmih yei kreh wa 1.5 lak tylli. 

Da pyntip u wa ka Phase 1, ka Administrative City, u em ko ya ka Meghalaya Secretariat, IIM Shillong, NIFT, NEIAH, NEIGRIHMS wa kiwi.

“Ka Meghalaya Secretariat kawa Rs. 1,231 klur heiwa 35% i kreh toh iwa dadep, ka Legislative Assembly Building leh kawa dajan dep,” da ong u Conrad.

Chooh chooh da khana u wa daw em ka Unity Mall (40% dadep) heiwa daw em leh ki Commercial Street namo ki sarok wow man yaaw.

Related posts

I pyntip wa emkaam ya kiwa lai cha ka Pynthor Ialong da ka kari

February 17, 2026

Rs. 200 klur chi snem u pynlut ka sorkar wow su ya ka tulop kiwa sikai SSA wa Adhoc

February 17, 2026

Da khana u wa 64.9 Acre toh wa da bhah neibynta ki thaw puræ wa ka IT Park ka wow pynmih 1,500 tylli ki kreh.

Da booh bhah 51.68 Acre wow chna ya ki yung wa ki thaw sah heiwa daw em leh 435 tylli ki yung ha i thaw wa heh 10.9 Acre.

Ka Phase 2, daw em ka Knowledge City ka Mawkhanu, heiwa daw em ka IT Park, Skills & Innovation Hub, ka Monolith Tower wa ka Football Stadium wa ye u pdiang ya 40,000 ngut ki bru.

U Conrad da khana u wa ka New Shillong u man ko kawa yada ya ka mariang, u wanrah ko yei khih i kreh, wei i burom markylliang hapyrdi ki jaitbru wei wow pyntikna wa ki paidbah na ka thaaiñ Mawryngkneng u myntoi ki.

Heijooh i por da khana u wa ka New Shillong u man ko katkam ka Comprehensive Mobility Plan (CMP) neibynta ki 30 snem wow wan.

Ka CMP u kynthup ko ya ki sarok kam u Ummir–Mawkhanu uwa Rs. 201 klur heiwa ya ka New Shillong u myntoi ko na ka Guwahati–Shillong–Silchar High-Speed Corridor wei wow pynku kyrdan ya ka Shillong Airport. 

Ka Detailed Project Report (DPR) yong ka u kynthup ko ya ki 32 chnong. Daw yoh ya ka umkor wa 56 Million Liters chi sngi ya ki 4 lak ngut ki bru heiwa ka Phase-I wa Rs. 591 klur toh kawa da kreh wei u taan ya ka um na ka Wah Umkhen.

Neibynta ka bordiñ, u Conrad da khana u wa ka 33 kV Umroh Sub-Station leh da pynheh ya ka khnang wow yoh bordiñ khlem thut wei daw chna sa ya ka 40 MVA Substation ha Mawkhanu wa Umsawli.