Ka yalehke wow sah kynmoo ha ki snem wow wan, ka Shillong Lajong FC da sai ko deiwa rap kyrpang yow jop ya ka Mawlai SC da 2-1 kawa man leh ka yalehke wa khaddooh ka Shillong Premier League 2024 yow jop ko ha ka sien wa san ynne ka sngi.
Yei naam Champion toh i yong ka Mawlai wow rah heiwa ha kani ka samoi ym em rem ko chisien leh hadien wa yalehke 17 sien wei da yoh boon Point ki nadooh wa sdang wei lada ya Drawn leh da yoh ki wow man kam ki Champion ha ka sien wa le tangwa ym ye ki heiwa ka Lajong da ye ko wow jop deiwa wan yalehke biang ha ka SPL ha u snem 2022.
U Abhay Chettri (10’) da yoh u wow thap nyngkong ya ka Lajong wei da ban sa u Samchaphrang Lato (76’) uwa da thap le sien ha ki le tylli ki yalehke. Deiwa jan kut i por, ka Mawlai da yoh ko wow su kylliang chi kool lyngba u Damanbhalang Chyne (88’P) lyngba ka Penalty tangwa da duna ware i por yow pyn ya Drawn ka yalehke.
Hawa kut, waroh ar liang da yoh ki i jooh ki Point iwa mar 45 Point tangwa da jop ki deiwa kheiñ ya ka Head-to-Head wei ka Lajong lehbha ko ka Goal Difference.
Ka Lajong kam ka Champion da yoh ko Rs. 6 lak katwa ka Mawlai da yoh ko Rs. 3 lak.
Deiwa thap 20 tylli kool ha kani ka samoi, u Deibormame da yoh u yei naam Top Scorer.
Discussion about this post