I yania wa khian hapyrdi ki ar ngut kiwa da heh rta dapoi i chei chah pynhiar tput ya u khynnah wa dang soo snem deiwa rah syngngait wei sngoh yei khlieh u ha uwi u naar rod iwa da jai ha Vasai iwa man i chnong wa em hajan Mumbai.
Ini da jia i heipor kamwa 8 waje i miet ka 30 tarik u bnai wa dep ha kawi ka Housing Society heiwa uwi uwa yah Auto Rickshaw wa tip kam u Sandeep Pawar da ya kajia u wa u pa uni u khynnah uwa tip kam u Atul Kondhare wei uni uwa yah Auto da lai pynhiar tput u ha u khon u Atul.
Yeini wa jia da yoh leh wow riñ da ka CCTV heiwa uni u khynnah uwa tip kam u Vignesh (uwa sap T-Shirt rong stem) dang kyndeh u wa kiwi ki khynnah wei da yoo wa uwa yah Auto da lai sai u ya uni u khynnah deiwa taan na kjat deiwa pynskit cha suiñ wei sngoh oo dei khlieh ha khyndaw heiwa da tyngkhooh leh i khlieh u ha ka chaka ka Auto.
Da rah u leh ya uni u khynnah chapoh thaw sah wei da lai sngoh u yei khlieh uni u khynnah ha uwi u nar rod wei da noh u oo cha khyndaw.
Uni u khynnah da mynsoo joor i khlieh u wei dapoi u chapoh ICU.
Ki pulit da kem ki ya uni u bru wei da phah kset ka yung bichaar oo le sngi ha kti ki pulit.
Discussion about this post