Deiwa kynchew poisa sdang ka VEC Khliehrangnah da ka thaw wow pynmih phñiang wa bih 

Ynne ka sngi da wai paidbah ya ka thaw pynmih phñiang wa bih na u phlang Lemongrass wa u Citronella kawa tip kam ka Distillation Unit ha ka yalang wa da pynman ha Khliehrangnah, West Jaiñtia Hills heiwa ya kani ka thaw da chna da ka VEC ka Khliehrangnah chirup i krehlang waka Laskeiñ C&RD Block.

Ya kani ka thaw da wan wai da u KN Kumar uwa man kam u Chairman ka Farmers (Empowerment) Commission, Agriculture and Farmers Welfare Department kam u kongsan, hei emlang u Dr. R.P. Bansal uwa man u Ex-Principal Scientist ka CSIR wa kam u bru chemphang ka MBDA waka Dr. H. Siangbood kawa man ka Project Scientist ka Institute of Natural Resources.

Ya ka yalang da pynlai da ka Dr. M. Biam kawa man ka JRDO ka Block wei da yoh i klam pdiang burom na u BDO ka Laskeiñ Block, u B. Niang.

Kani ka thaw wa em ka kor kawa pynmih ya i phñiang na u phlang Lemon Grass wa Citronella, toh ki jait phlang wa man kyrpang heiwa ki mrad leh ym jooh baam ki ya kini ki jait. 

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ya ini i thaw da e sñiawbha da ka Nibha Papang yeiwa tip kam i Pdieñ Sohplow wei ya kani ka kor wow pynmih phñiang kawa T. 10.12 lak da thied neiwa synniang poisa ki wakreh 100 sngi nadooh u snem 2019.

Ya kini ki phlang da thung ha i thaw wa da pynkhai-im nei chah ktah ha u mooyong iwa heh kamwa 15 Hectare wei ya ini i yung wa em kani ka kor da chna dei yoh yarap na ka Block iwa kynjoh kamwa T. 6 lak tam.

Ya kini ki phlang da e sñiawbha da ka Institute of Natural Resources.

U Waheh Chnong ka Khliehrangnah, u L. Langstang da ong u wa deiwa em kani ka thaw daw boon ki wow yoh myntoi wei kani man ko leh kawa nyngkong ha ka jylla.

Ka D. Kamar kawa man kam ka BTA ka Block da khana ko wa kamwa 52% na i thaw ha Khliehrangnah toh i wym em sboh kamtæ da emkaam bha wow pynkhai-im biang ya i khyndaw deiwa thung ya ki phlang Lemon Grass wa kiwi kiwi ki jait phlang wa bih.

U KN Kumar kam u kongsan ha kani ka sngi da yaroh u ya ki warep ka Khliehrangnah kiwa da chimkhia wow sdang ya ini i kaam i wow myntoi ki warep man-u-snem.

Da ong u wa kam ki sahep sorkar toh i kaamram yong ki wow pyntikna wa im wei yoh kreh ki paidbah, da e nongmuna u leh ya u dieñ Agar uwa man u wow pynmyntoi ya ki hadien uwa ye leh u pynmih phñiang wei ye leh wow dai ya oo.

Ha kani ka sngi da batai lyngba i pynyoodur (Presentation) heiyatoh wa u dieñ Agar na u Harish Chaudhary, u PCCF ka chnat Forest uwa da khana wa uni u dieñ pynmyntoi bha u ya ki bru wa thung ya oo neibhah man uwa sy’at dor bha heiwa da chna dawai ya oo kamjooh leh wow chna ya ki phñiang pynbih.

Ha kani ka sngi da saam leh 200 tylli ki tre uni u dieñ Agar cha ka chnong deiwa kular leh wow e sa kamwa 10,000 tre ha ki sngi wow wan.

Kiwi kiwa da klam ha kani ka sngi toh u F. Basan, ADC ka West Jaiñtia Hills, u L. Shabong uwa man u Director ka Institute of Natural Resources, i khana katkam i chem na uwi na ki warep, u B. Marweiñ wei ya ki kyntien khublei da yoh na ka R. Lamare kawa man ka APO (CL&IBP) ka Block.