Ka Angela Rangad da e FIR ko ha Laitumkhrah Police Station ynne ka sngi pyrchah ya uwi u bru wa tip kam u Akash Sagar uwa da booh Video ha Facebook wa Instagram deiwa psiah u hapoh ka yungmane Christan wa tip kam ka Church of Epiphany wa em ha Mawlynnong, East Khasi Hills.
Ha ka FIR da ong wa uni u bru ym em da burom u yei man kyntang kani ka yungmane heiwa da psiah u chapoh deiwa thmu chwa wow leh ki kaam wa ktah yei sñiaw yong kiwi deiwa ku ha pulpit wei da kbai u da ki ktien yong kiwi niam wei da rwai u leh da i sur yong kiwi ki niam.
Yeini da leh u deiwa emktilang wa kiwi katkam wa da yoo ha i Video wei man i leh du wow wanrah donhi yei sñiaw yaphær niam, i yoobeiñ ya kiwa khian paaid deiwa ban yeiwa ngait yow kiwa heh paaid iwa man pyrchah ya ka riti synchaar ka ri.
Ya ini i Video da pynpoor leh da kiwa boon wei da yoo ki da ki lak ngut ki bru iwa da booh ha Facebook wa Instagram ha uni hi u bnai.
Kamtæ da kyntu ya ki bor ka aiñ wow pynchitom ya kam kini ki bru.
Ha ini i Video da yoo wa uni Akash Sagar chwa u psiah cha kani ka yungmane da thoh thnga u, wei manda psiah u da ong u Jai Shri Ram wei da pteiñ u wow rwai da i sur niam Hindu.
Discussion about this post