Kam chibynta ka State Level Mock Exercise on Earthquake Scenario wa pynman da ka Meghalaya State Disaster Management Authority (MSDMA) deiwa ya krehlang wa ka National Disaster Management Authority (NDMA), Ministry of Home Affairs ka sorkar India, neiliang ka District Disaster Management Authority (DDMA), East Jaiñtia Hills District da pynman ko ha ka 20 tarik deiwa pyndur wa khih u khmi wa khlanbor 8.3 ha ka Richter Scale deiwa leh yeini ha Dkhiah West wa Dkhiah East, ha Dkhiah East Secondary School, ha Khliehriat Civil Hospital, ha 1 India Family Mart, ha Dkhiah Service Station, ha Green Valley Industries Limited, ha National Highway-6 ha Kuliang wa kiwi de ki thaw heiwa ya ka Staging Area da pynman ha madan ka Dkhiah East.
Yeini da leh katkam ka Incident Response System (IRS) deiwa chimbynta da ki Incident Response Teams (IRT) kiwa da leh jar jiar ki kaam.
Yeini da leh deiwa lai pynlait ya kiwa mynsoo, kiwa chah ban, kiwa sahkut ha ki yung ki sem, i tympleh yei diñ wa kop deiwa e sumaar leh ya kiwa chah ktah wei da kit leh ya ki da ki Ambulance cha ki thaw sumaar wei da chimbynta leh da ki chnat sorkar nadooh ki Police, Fire & Emergency Services, Civil Defence & Home Guards, Medical & Health Team, kiwa chong chnong, ki Volunteer wa ki khynnah skur ka East Jaiñtia Hills District.
Neiliang u Deputy Commissioner uwa man leh kam u Chairman ka District Disaster Management Authority (DDMA), East Jaiñtia Hills District, u Shivansh Awasthi da ong u wa kani ka Mock Exercise da pynman kam chibynta wow pyntika wa em i ya krehkaam hapyrdi ki chnat sorkar deilang kiwa chong chnong lada jia wa khih khmi næ kiwon kiwon kam kini ki jait.
Discussion about this post