Ka seiñ Jaintia Photographers and Videographers Association (JPVA), kawa da seiñ haka 21 tarik u bnai August 2025, hajrong ka thong wow wanrah i yatylli hapyrdi para wa chondur riñdur hapoh ka Ri-loom Jaiñtia, neitæ yow yaklam yei eh i khoo wa maad, wei yow pynku leh yei chondur wei riñ dur kam i khih i kreh, da pynman ko ya ka yakob chondur wa i pynsñiawthooh heiyatoh ka kaam chondur riñdur wa tip kam ka Street Photography Contest and Photography Workshop ha Nan Kasari Park Iawmusiang, Jowai ha kani ka tayaaw.
Ha kani ka sngi najrong kiwa chah khut sñiawbha da emlang leh ki bru wa sñiawsuk hei kaam chondur riñdur.
Ha ka yalang yong kani ka sngi da yoh i klam pdiang na u President ka JPVA, u Jomanson N Passah, i klam na u symbood kongsan, u Lambormi Suchen, Skill Development Officer ka West Jaiñtia Hills hadien neitæ da yoh i klam na u kongsan u Medling Swer, MDC JHADC na War East Constituency.
Heiyatoh i pynsñiawthooh hei kaam chondur riñdur namo ka Photography Workshop da batai da u Daniel P Gatphoh wa u Bezalial Mi Oo P Dkhar.
Hadien ini da saam Prize cha kiwa jop ha ka yakob chondur Street Photography Contest heiwa napyrdi kiwa chondur da ka Mobile Phone da yoh nyngkong u Pormi Shylla, wa ar u Lomin Saindurmiki Dkhar wa le won u Chanmi Chullai.
Napyrdi won kiwa chondur da ka DSLR Camera da yoh nyngkong u Dakermi Talang, wa ar u Dawan Pynsuk Sateiñ wa le won u John L E Nongpluh.
Yei naam Photo of the Day won da jop u Deovolente Langstang wa u Anumasa Pyrtuh.
Da pynkut ya kani ka sngi da ki tem i put ha chirup i yakrehlang waka CM MGMP katwa yei kyntien khublei da yoh na u Vice President ka JPVA, u Ruhipaia C Phawa.
Discussion about this post