Jowai: Ka Civil Service Day ha West Jaiñtia Hills ynne ka sngi da leh warom ya ka ha Jowai deiwa pynman ya ka yalang hei emlang leh ki khynnah skur wa ki sahep ki tnat waphær waphær kiwa da wan wow pynyoo ya ki jar jiar ki Scheme sorkar wa pynkrehkaam ki wei da em leh ka ya phyllu yumut hapyrdi kiwa kreh sorkar wa ki khynnah skur.
Ka Civil Service Day hapoh ka ri India da kynmoo ya ka nadooh u snem 2006 ha ka 21 tarik u Naitung (April) wei da man ko ka sien wa le wa da leh warom ya ka hapoh ka West Jaiñtia Hills District hajrong ka phang “Improving Service Delivery through innovation” kawa pynman da ka yung krehkaam u Deputy Commissioner ka West Jaiñtia Hills.
U DM Wallang, In-charge Deputy Commissioner ka West Jaiñtia Hills da ong u wa ka District man ko kawa da kyrkhu ha kiwa boon ki liang neidaw wa yakrehlang kiwa boon ki tnat ka sorkar kiwa da wanrah boon ki myntoi ya ki paidbah.
Da ong u leh wa ka DRDA da sdang ko ya ka “Teach to learn and learn to teach” kawa yarap ya ki bru wym tip u puræ wei wow thoh u tar yow tip ki tang wow thoh yei pyrtuid yong ki, u soi yei pyrtuid yong ki kamjooh wow tip u puræ kotkhubor kiwa da yarap bha ya ki bru wei da pyntip u leh wa ha kini ki bnai wow wan daw phah leh ya ka sorjamin ha ki thaw wa pynkrehkaam ya kani ka Scheme yow pynsakhiat wa waroh man ki kiwa da tip u thoh u tar wei da tip ki leh u puræ.
U SP ka West Jaiñtia Hills, u Vivek Syiem hawa klam u wa kiwa emlang ha kani ka yalang da ong u wa kam kani ka yalang da man ko ka laad ym du ya ki khynnah wa dang puræ kamjooh leh ya waroh wa emlang kamjooh ya oo yow tip yeiwa krehkaam kiwi ki tnat sorkar wei ym jooh chem u wa em wa leh ya kam ini hapoh kiwi ki bynta ka jylla.
Da khana u leh ya ki kaam wa ye u yoh hapoh ka Meghalaya Police Department wei da pynchlur u leh ya waroh wow chlur ki wow yakhun kreh ki ha kiwon kiwon ki por wa lait kreh. Da sneiñ u leh ya ki khynnah wow pynemkaam bha ki ya ka Social Media wei ymtoh wow yaklam wa ki bru ki wym tipmit wei kiwa boon kiwa leh ya ini da boon wa chah thok chah chukor ki.
Neiliang kiwi ki tnat sorkar lyngba ka PowerPoint da pynyoo ki ya ki dur ki dar ki thoh ki taar yei rukom krehkaam ki tnat yong ki kam u F.B. Basan, MCS, Block Development Officer, Laskein Block uwa da klam hajrong ka MGNREGA, ka H. Lato, DFO (Wildlife) kawa klam hajrong “Innovation in Wildlife Management Through Creation of Community Reserve, u J.J Lakiang da klam u hajrong ka “Intergrated Watershed Management Programme ( IWMP)”, ka I. Rymbai, DIO ka NIC da klam ko yei yarap wa e ka tnat lyngba ka Internet da yoh leh yei klam hajrong ki kaam pyrchah ya ki kynthai da ka Jowai Women Police wa kiwi kwi..
Ka J.Synnah, District Social Welfare Officer won da ong ko wa ka tnat yong ka e Grant ko ya ki seiñ wa kreh yow pynwiar ya i sih i drugs, i dih kiad wa kiwi kiwi.
Discussion about this post