U Secretary ka Meghalaya Human Rights Commission da pyntip u wa ka Commission wa kynthup ya ki dkhot, ka B. Giri wa u P.J.P. Hanaman da pynman ki yaka Camp ha Tura kawa le sngi nadooh ka 19 hadooh ka 21 tarik uni u bnai yow bichaar ya ki kaam chah tyngkheiñ i hok manbru wei wow e leh ki hukum heiyatoh wa kini ki kaam.
Ha iwi na iwa jop hei bichaar, ka Commission da ye ko wow pyntikna da yoh yaka poisa yarap wa Rs. 1,00,000 wa toh u yoh na ka Meghalaya Power Distribution Development Corporation Ltd (MePDCL) cha kawi pa kawi ki san ngut ki kurim yong kiwa yap hei chah riñ bordiñ iwa da jia ha i chnong Manikganj, North Garo Hills District haka 25-07-18.
Kani ka poisa toh kawa da pynlait nadooh ka 11-02-19 tangwa ym pu em phah ka wei da sahkut ko.
Tangwa deiwa tuklar ka Commission kini kiwa yoh myntoi kiwa da Assam da ye wow tipmit ki hadien wa pynmih khubor ha Assam wei da wan ki wow chim ya kani ka poisa haka 20 tarik uni u bna ha Tura.
Kam wow kdaw heini wa i su poisa yarap cha kiwa yap nei chah riñ bordiñ da dep pynku cha Rs. 2,50,000 nadooh ka 22-07-20.
Discussion about this post