I pynman yakhih da ka seiñ kari kamai na Assam ynne ka sngi da man ko kawa chyrkhei bha heiwa da ki hajar ngut da mih madan ki ryngkat i sur pyrchah yei leh ka AMKTTA yei wym chah ki ya ki kari Assam wow lai yah ya ki Tourist cha ki thaw uiñke suwari wa em hapoh ka Meghalaya kam i dak wow su kylliang yeiwa chah leh kiwa kamai kari ka Assam ha Meghalaya.
Kamtæ ynne i step da mih madan wow pynuiñ ya ki kari Meghalaya kiwa kit bru cha Assam wei ym du kattæ tangwa wot ya waroh ki kari Assam leh kiwa wan na kylleiñ ki thaw da chah ksoh lut ki ha Jorabat khlem da chah wow lai ki cha chiliang.
Hadien wa ka yakhih wa da neh kamwa 6 kynta haroh kawa da sdang nadooh 8:00 waje i step, heiwa kiwa yakhih da khang lut ki ya kari wa kit ya kiwa kjut wa ki kari sorkar tangwa mar ya yoo ya ki kari wa em Number Assam da phah pynuiñ lut ki lada toh ki kari samen næ kari kamai.
Yow pynlait yeini i eh wa da booh ya ki paidbah, neiliang ki bor District na Meghalaya wa Assam hadien wa da klam sñiawthooh da booh por 2 sngi yow pynbait yeini wei ki bor District leh daw chong pyrkhat ki yow yaklam yeini i eh i khoo, kamtæ neiliang kiwa kamai kari ka Assam da chah biang ki ya waroh ki kari u lai ki khlem da chah pynthut.
Hawa yoh u ap yeiwa klam kiwa kamai kari na Assam da ong wa ini i leh ka AMKTTA toh iwa da leh khnang ha kani ka aiom wa da sdang wan kiwa uiñke surari na kylleiñ ka ri dei thmu wow boon ki kyndon boon jait wei lada kiwa na Meghalaya ym sdang ki u muchlia, kiwa na Assam ym em por ki wow pynmih ya kam ini i kulmar.
Discussion about this post