Shillong : Ha ka janmiet yong ka 5 tarik uni u bnai ka seiñ ka Meghalaya and Greater Shillong Progressive Hawkers and Street Vendors Association (MGSPHSVA) deilang wa ka Thma U Rangli-Juki (TUR) da pynman ki ya ka yalang ha Khyndai Lad, Shillong yow pynsñiaw yei chah leh beiñ ki kynthai, ki manbei wa chong dai madan ha kylleiñ ka sor Shillong.
Da pynman leh ya i thang mombati da waroh ki kynthai wa chynrang ha kani ka miet kam ka dak wow pynyoo wa kamwa 68% na kiwa chong dai madan toh ki kynthai hapoh ka jylla Meghalaya kiwa man leh kiwa kreh chitom, kiwa chah ya u slap, ka la-ær wa ka sngi wa ya kiwa boon ki chitom wa tyngkhooh yow ye u pyndap yeiwa emkaam ki man ka sngi.
Ki ar tylli ki seiñ da ban joor ki yei hok wow chong dai ki dei suk dei saaiñ yow yoh ki u kamai yei hok yow yoh u psa ya ki khon ki kti ki khlem em wa pynwit ya ki khamtam ki bor sorkar neibhah ki ym toh dai ki ya ki mar tooh namo ki bru wa tyngkheiñ aiñ.
Kamwa da sakhi ha kini ki tayaw wa da dep, boon ki wa chong dai da chah knieh ki mar yong ki ha ki bor sorkar kamjooh da beh ya ki na ki thaw chong dai ki iwa man pyrchah ya ki kyndon ka aiñ da ong ki ar seiñ.
Ka MGSPHSVA wa ka TUR ki dang pteiñ i dawa yong ki na ka sorkar jylla wow pynkrehkaam noh wut wut ya ka aiñ sorkar bei kawa tip kam ka “Street Vendors (Protection of Livelihood and Regulation of Street Vending) Act, 2014,” kawa tipmit yei hok ki wa chong dai madan ha ki luti syngkieñ, kamjooh ha kani ka aiñ leh da kdaw ya kiwa boon ki kyndon wa kammon wa ye kiwa chong dai madan u pteiñ yei rukom dai mar yong ki kamjooh wow burom yeiwa yieñ ki ha ki kjat yong ki hi.
“Deiwa khang noh ka sorkar ya kiwa chong dai madan khlem da kdaw thij pa thij ya ki thaw wa ye u chongdai “Vending Zones” katkam wa kdaw ka aiñ, ka sorkar da chim ko yei hok yong ki paidbah wow kamai ja kpoh ki” pynkut ki arseiñ.
Discussion about this post