Jowai : Ka seiñ West Jaiñtia National Council, CB dei sñiawkhia yei ku i mar baam mar dih hapoh ka District da ong ko wa ini da ktah joor i ya kiwa boon wa lang khamtam hadien wa khang ka NGT yei khih mooyong.
Kamtæ lyngba ki laad pathai khubor ka seiñ kwah ko u pynsñiaw cha u CM ka Jylla u Dr Mukul Sangma yow chimkhia yeini khamtam ha ki tnat ka Tax (i bai dan) yow pynduna dor ya ki marbaam mardih.
Heijooh i por ka seiñ kyntu ko leh ya kiwa dai wow dai ki ya ki mar katkam ka Maximum Retail Price (MRP) næ i dor wa da booh.
Ka seiñ da maham ko leh ya kiwa chim kabu wow dai palat yei dor wei lada chem ko kam kini u pynchitom ko katkam ki kyndon ka aiñ.
Ka seiñ leh da maham ko ya ki bar jylla wa wan knieh khih wa ki tre ri iwa ktah joor bha ya ki jait bru yong i. Kamtæ da kyntu ya u EM ka JHADC wa pait ya ka Yaw ka Hat yow dam noh u e ya ka Trading License cha ki bar jylla yow lait ki u wan yoh beiñ ya ki tre ri.
Kani toh katkam ka khubor wa pyllait a u O. D. Passah, Organising Secretary ka seiñ.
Discussion about this post