Jowai: Ka East Jaiñtia National Council (EJNC) – Central Council, da yoh ko ya ka ujor naki khynroo khyllood ka Thaiñ kiwa da yakhun ya ki kreh ha ka tnat Pulit.
Kini ki khynroo da pynsñiaw ki yei mynsien sñiawsih wa khroo hadien wa yoo yei leh chilliang kiwa pyllai wa i rukom habra i rukom krehkaam kani ka tnat khamtam hei thung kreh.
Da ong wa kiwa boon na kiwa pass toh kiwa da e marks kulmaar hi-eh ya ka Writen Test neibhah kiwa duna marks da e chioon katwa ya kiwa boon won kiwa heh marks da pynduna ya ki ha kani ka Written Test.
Hajrong ini ka EJNC da pynsñiaw ko yei mynsien wa khia ya ini i leh chilliang ka Meghalaya Police, neibhah ini i leh yong ki da ktah sakhiat ko ya ki khynroo kiwa emhok u yoh ya kini ki kreh pulit wei wa man ko leh i daw, wa roi ki damok kiwa leh ya ki kaam tyngkheiñ aiñ hapoh ka District.
Ka seiñ da kylli ko leh wa cheiwon em ka mynried ki khynroo khyllood kiwa da stat da tip lada ka sorkar jylla elaad ko ya kam kini ki kaam lehtooh baamtooh hapoh ka jylla?
Da pynsñiaw ko leh yei mynsien wa sñiawkhia deiwa ong wa ini i rukom thung kreh kani ka tnat klam che ko kamwa chem ka seiñ wa man ko ka kaam yung kaam sem ki MLA\MDC neibhah hanlada dep advertise ya ki kreh wa lait tangwa ki heh da dep booh bru chwa ki.
“Lada ini i rukom thungkreh pteiñ i, tæ emkaam noh wow pyndooh noh ya ki advertisement wa ki Exam thungkreh neibhah wa ini i leh tangdep ktah ko ya kiwa dooh ha kiwa boon ki liang” da ong u Sambormi Lyngdoh.
Discussion about this post