Disconnect ka TRAI ya palat 21 lak tylli ki Mobile Number

Ka Telecom Regulatory Authority of India (TRAI) da chimkhia ko heiyatoh wa i chah thok ki bru lyngba ki Mobile Phone deiwa tynyap namo Disconnect ya palat 21 lak tylli ki Mobile Number heiwa da Blacklist leh ya chi lak tylli ki Company ha ka chi snem, wei yeini da pyntip da ka Ministry of Communications ynne ka sngi.

Yeini da leh hadien wa ujor ki paidbah wei ka TRAI da kyntu ko ya ki paidbah wow pteiñ u ujor ya ki Number Spam lyngba ka TRAI DND App wow phah sangeh ya kini ki Number. 

Katkam wa ong ka TRAI, boon ki bru da Block ya ki Number ha ka Phone iwa da biang tangwa ym yarap won i wow pynsangeh ya ki wow pyndik wow thok ya kiwi tawon.

Hawa ujor ki bru ya ki Spam Call wa Message lyngba ka TRAI DND App, ki Company (Telecom Service Provider) ye ki wow chemdien wei wow pyndam ya kini ki Number.

Neiliang ka TRAI da kyntu ko ya ki paidbah wow Download ya ka TRAI DND App na ki App Store wei wow ujor ya ki Number heithaw wow Block ya ki.

Related posts

Phylla ki bru wym em dakha de ha Syntu Ksiar Fish Sanctuary

February 1, 2026

Maham ka JFEPA ya kiwa pynyap dusmon ya ki dakha ha ka Wah Myntdu

February 1, 2026

Chooh chooh da pynkynmoo ko ya ki paidbah wym toh wow khana bniah (Details) ki chaphang yong ki kam ki Bank Account manda em wa Phone ki, wa Message ki næ da kiwa kylli lyngba ki Social Media wei wow pynkut ya ka Phone lada em i suba deiwi tawon.

Ya ki Case wa chah thok lyngba ki Phone wa Internet ye leh u ujor ha u National Cybercrime Helpline (1930) namo lyngba ka www.cybercrime.gov.in portal.