Ka yalehke ynne ka sngi da man ko kawa jem chiliang hapyrdi ka West Jaiñtia Police C.C. pyrchah ya ka Evergreen S.C. & C.C. heiwa ka West Jaiñtia Police C.C. da jop ko hadooh 131 runs.
Ya ka kyllakhlem da jop da ka West Jaiñtia Police C.C. kawa da kam wow tied chwa. Ka West Jaiñtia Police C.C. hawa lai tied nyngkong da kamai ko 196 run na ki 35 over wei da dooh ko 7 wicket. U Devention Lyngdoh da pynyoo sakhiat u yei sap kam uwa tied deiwa tied samen 90 run (khlem out) na ki 79 ball wei da thlieh haroh u le tylli ki Six (6) wa chiphaw tylli ki Four (4). U Habanjop Khonglah won da tied u 23 run na ki 45 ball deilang wa kawi ka Four (4). U Lodumaitphang Khonglah, uwa kawang ball yong ka Evergreen S.C. & C.C. da yoh u wow pynhaap samen 3 wickets na ki 7 over.
Ka Evergreen S.C. & C.C. ha ka pali yong ka wow beh ya ka thong, kiwa tied yong ka ymye ki u lehke bha neidaw wa chkeh ware kiwa kawang ball yong ka West Jaiñtia Police C.C., da haap ki uwi hadein uwi wei da ye ki u kamai du 65 run wei da haap noh waroh 10 wicket ha ka over wa 21.2. U Devention Lyngdoh wa u Bishal M Sangma, kiwa kawang ball yong ka West Jaiñtia Police C.C. da yoh ki u pynhaap mar 3 wicket samen ki na ki 4 over. U Devention Lyngdoh uwa kamai boon run na ka West Jaiñtia Police C.C. wei uwa lehke bha ha ka bowling da yoh u ya i naam Man of the Match.
Ka yalehke mynstep ka sngi toh hapyrdi ka Ummulong S.C. pyrchah ya ka Mowkaiaw C.Y.C. heipor 9:00 i step.
Ya ka digital live score yong kani ka League ye phi u pait ha https://cricheroes.com/tournament/1406553/wjhdca-district-cricket-league-2025
Discussion about this post