Ka District Cricket League ka West Jaiñtia Hills District Cricket Association (WJHDCA) kawa pynman ha Mini Stadium yong ka chnong Khliehtyrshi dapoi ko cha ka sngi wa san ynne.
Ka yalehke wa da pynman toh hapyrdi ka Khimusniang SC pyrchah ya ka NEAU (ATS) CC heiwa da jop ya ka kylla-khlem da ka Khimusniang kawa da jied wow kawang bol chwa. Ka NEAU hawa Bat da kamai ko 79 Run deiwa haap waroh 10 tylli ki Wicket ha ka 22.5 Over na ki 35 Over.
ka Khimusniang hawa beh ya ka thong da yoh ko 80 Run deiwa dooh 4 tylli ki Wicket du ha ka 15.3 Over, kamtæ yei naam jop da lai ko cha ka Khimusniang SC yow jop da 6 Wicket.
Yei naam Man of the Match da yoh da u Yoohimiootre Patwet na ka Khimusniang uwa da yoh 23 Run hawa Bat wa 2 Wicket deilang 3 tylli ki Maiden Over na ki 5.5 Over hawa kawang bol u.
Ka yalehke wa bood u pynman mynstep ka 5 tarik hapyrdi ka Mowkaiaw CYC pyrchah ya ka Young Lad’s CC heipor 9:00 waje i step.
Ya ka Digital Live Scoring yong kani ka League ye phi pait ha u: https://crichero.es/apps.
Discussion about this post