Ka Lion Y&SA da jop suk ko da 128 Run ya ka Khliehtyrchi SC ha ka yalehke ynne ka sngi yong ka District Cricket League 2026 wa pynlai da ka West Jaiñtia Hills District Cricket Association.
Ya ka kylla-khlem ynne da jop da ka Lion Y&SA kawa da jied wow Bat nyngkong wei da kamai ko 211 Run na ki 35 Over deiwa haap 8 Wicket. Na kiwa Bat, u Nick Dan da pynyoo u yei sap deiwa dat 69 Run na ki 47 bol wa kynthup ya 3 tylli ki 6 Run wa 5 tylli ki 4 Run. U Dr. Dawanroy Nongpluh won da kamai u 32 Run na ki 60 bol wa kynthup ya 4 tylli ki 4 Run.
Na kiwa kawang bol ka Khliehtyrchi, u Peter Nongtdu da yoh u pynhaap 4 Wicket na ki 7 Over.
Ka Khliehtyrchi hawa Bat da duna ko da 129 Run deiwa ye u kamai 83 Run wei da haap lut ko waroh ki Wicket ha ki 24.4 Over. Na kiwa Bat da em ar ngut kiwa yoh nod wa du 3 ngut kiwa kamai ar dak. U Yutang Kma da yoh u 28 Run na ki 26 bol wa kynthup ya 4 tylli ki 4 Run, u Chonbara S Marak won da kamai u 18 Run na ki 57 bol wa kynthup ya kawi ka 4 Run.
Na kiwa kawang bol ka Lion Y&SA, u Daymen Shullai da lehbha u deiwa yoh u pynhaap 4 Wicket na ki 4 Over, katwa u Peterson Lamare wa u Noondaystar Pohrmen da yoh ki u pynhaap mar 2 Wicket samen.
Yei naam Man of the Match da yoh rah da u Nick Dan uwa yalehke ka Lion Y&SA uwa lehbha da ka Bat.
Ka yalehke ha ka 4 tarik toh hapyrdi ka Riwar Titan CC pyrchah ya ka Tympang CC heipor 9:00 waje i step.
Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches.
Discussion about this post