Ka Lion Y&SA da jop suk ko da 7 Wicket ya ka Moodymmai SU haka yalehke ynne ka sngi yong ka District Cricket League 2026 wa pynlai da ka West Jaiñtia Hills District Cricket Association.
Ya ka kylla-khlem da jop da ka Lion Y&SA kawa da jied wow kawang bol nyngkong. Ka Moodymmai hawa lai Bat nyngkong da kamai ko 81 Run donhi deiwa haap lut waroh ki Wicket ha ki 20.3 Over. Na kiwa Bat da em 3 ngut kiwa yoh nod wa du le ngut kiwa ye u yoh ar dak, kitæ u Ohdimon C Laloo uwa da yoh 14 Run na ki 24 bol wa kynthup 3 tylli ki 4 Run. U Kyntumiki Slong won da kamai u 12 Run na ki 10 bol wa kynthup 2 tylli ki 4 Run, katwa u Daoowan Passah da yoh u 12 Run na ki 25 bol wa kynthup 2 tylli ki 4 Run.
Na kiwa kawang bol ka Lion Y&SA, u Ebormi Rngad (C) da yoh u pynhaap 4 Wicket na ki 5 Over, katwa u Peterson Lamare da yoh u pynhaap 3 Wicket na ki 5 Over.
Ka Lion Y&SA hawa beh ya ka thong da ye ko u pynjop suk deiwa kamai 83 Run wei da dooh ko du 3 Wicket na ki 12.1 Over. U Nick Dann da kamai u 29 Run na ki 27 bol wa kynthup kawi ka 6 Run wa 3 tylli ki 4 Run, u Deibormi Rngad won da kamai u 14 Run na ki 23 bol wa kynthup ya 2 tylli ki 4 Run. U Teimiki Passah uwa kawang bol yong ka Moodymmai da yoh u pynhaap 2 Wicket na ki 4 Over.
Yei naam Man of the Match da yoh rah da u Nick Dan uwa yalehke ka Lion Y&SA uwa kamai boon Run dooh.
Ka yalehke mynstep haka 27 tarik toh hapyrdi ka Chutwakhu CC pyrchah ya ka PCC Phramer heipor 9:00 waje i step. Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches.
Discussion about this post