Ka Mowkaiaw CYC da jop ko ya ka Evergreen Mukhla Mission da 14 Run ha ka yalehke ynne ka sngi yong ka District Cricket League 2025 wa pynlai da ka West Jaiñtia Hills District Cricket Association.
Ya ka kylla-khlem da jop da ka Mowkaiaw kawa da jied wow Bat nyngkong deiwa kamai 105 Run deiwa haap lut waroh 10 Wicket ha ka Over wa 24.4. U Kitboklang Lyngdoh da man u du oo donhi na pyrdi kiwa Bat wa rap lehbha deiwa yoh 37 Run na ki 38 bol deiwa dat 5 tylli ki 4 Run. U Kamkini Sari wa u Shoristar Suna kiwa kawang bol ka Evergreen Mukhla Mission da yoh ki u pynhaap mar 3 Wicket samen.
Neidaw wa em i pynthut na u slap, ya ka thong da pynduna cha ka 61 Run na ki 18 Over deiwa pynemkam da ka DLS Method.
Kamtæ ka Evergreen Mukhla Mission hawa beh ya kani ka thong da yoh ko du 47 Run deiwa haap lut waroh 10 Wicket ha ka Over wa 17.4. Napyrdi kiwa Bat du u Conard Sana donhi uwa rap leh bha deiwa kamai samen 19 Run na ki 25 bol. U Sandabiang Lathong na kiwa kawang bol yong ka Mowkaiaw da yoh u wow pynhaap 4 Wicket na ki 2.4 Over wei da yoh u leh yei naam Man of the Match.
Ka yalehke mynstep ka sngi toh hapyrdi ka Young Lad’s CC pyrchah ya ka Ummulong SC heipor 8:30 i step.
Ya ka Digital Live Score tong kani ka League ye phi u peit ha https://cricheroes.com/tournament/1406553/wjhdca-district-cricket-league-2025
Discussion about this post