Ka PCC Phramer da jop salit ko da 14 Run ya ka Chutwakhu SC ha ka yalehke ynne ka sngi yong ka District Cricket League 2026 wa pynlai da ka West Jaiñtia Hills District Cricket Association.
Ya ka kylla-khlem da jop da ka PCC Phramer kawa da jied wow Bat nyngkong heiwa da kamai ko 168 Run deiwa dooh lut ya waroh ki Wicket ha ki 26.3 Over. Na kiwa Bat da em 4 ngut kiwa yoh nod wa 4 ngut kiwa ye u yoh ar dak. U Pyrkhat Sari (C) da lehbha u deiwa kamai 81 Run na ki 69 bol wa kynthup ya kawi ka 6 Run wa 11 tylli ki 4 Run. U Kamni Suna won da kamai u 21 Run na ki 28 bol wa kynthup ya 2 tylli ki 4 Run katwa u Ram Ksoo da kamai u 18 Run na ki 17 bol wa kynthup ya 3 tylli ki 4 Run. Na kiwa kawang bol ka Chutwakhu, u Kunemiki Lato da yo u wow pynhaap 5 Wcket wa kawi ka Maiden Over na ki 6.3 Over.
Hawa beh ya ka thong, ka Chutwakhu da duna ko da 14 Run deiwa kamai 154 Run deiwa haap lut waroh ki Wicket ha ki 29 Over. Na kiwa Bat da em du ar ngut kiwa lehbha, u Sam Nesta Chyrmang uwa da yoh 40 Run na ki 41 bol wa kynthup ya 7 tylli ki 4 Run wa u Heisa Bareh uwa kamai 32 Run khlem haap na ki 35 bol wa kynthup ya 5 tylli ki 4 Run. Na kiwa kawang bol ka PCC Phramer, u Pyrkhat Sari (C), u Deimiki Rabon wa u Ram Ksoo da yoh ki u pynhaap mar 2 Wicket samen.
Yei naam Man of the Match da yoh rah da u Ram Ksoo uwa yalehke ka PCC Phramer yeiwa lehbha u ha waroh ki liang, heiliang i yang bol, kawang bol wei da ka Bat.
Ka yalehke ha ka 28 tarik toh hapyrdi ka Khimusniang CC pyrchah ya ka Dulong CC heipor 9:00 waje i step. Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches.
Discussion about this post