Ka Phramer CC da jop ko ya ka Khliehtyrshi SC da 79 Run ha ka yalehke ynne ka sngi yong ka District Cricket League 2025 wa pynlai da ka West Jaiñtia Hills District Cricket Association.
Ya ka kylla-khlem da jop da ka Phramer kawa da jied wow Bat nyngkong wei da kamai ko 169/10 na ki 20 Over. U James Nongrum da lehbha u deiwa kamai 38 Run na ki 29 bol deiwa dat ar tylli ki 6 Run wa 4 tylli ki 4 Run, u Melan Suchiang won da kamai u 25 Run na ki 11 bol deilang wa ar tylli ki 6 Run wa kawi ka 4 Run katwa u Pyrkhat Sari da kamai u 25 Run na ki 18 bol deilang wa le tylli ki 4 Run. Neiliang kiwa kawang bol ka Khliehtyrshi, u Arman Dkhar da yoh u pynhaap 3 Wicket na ki 4 Over.
Ka Khliehtyrshi hawa Bat ym ye ko wow poi thong deiwa kamai du 90/8 na ki 20 Over. Napyrdi kiwa Bat ko, du u Hoppermoon Rymbai 17 Run (Not Out) na ki 32 bol wa u Lakhon Dkhar 11 Run (Not Out) na ki 16 bol kiwa ye u kamai plat 10 Run. U Hamm Lyngdoh, uwa kawang bol yong ka Phramer da yoh u pynhaap 3 Wicket na ki 4 Over wei da yoh u leh yei naam Man of the Match.
Ka yalehke wa bood u pynman ha ka 12 tarik hapyrdi ka Mowkaiaw CYC pyrchah ya ka Moodymmai SC heipor 8:30 i step.
Ya ka Digital Live Score yong kani ka League ye phi u pait ha https://cricheroes.com/tournament/1406553/wjhdca-district-cricket-league-2025
Discussion about this post