Ka Wahiajer SC da jop suk ko da 8 Wicket ya ka Mowkaiaw CYC ha ka yalehke ynne ka sngi yong ka District Cricket League 2026 wa pynlai da ka West Jaiñtia Hills District Cricket Association.
Ya ka kylla-khlem da jop da ka Mowkaiaw kawa da jied wow Bat nyngkong wei da kamai ko 106 Run deiwa haap lut waroh ki Wicket ha ki 25 Over. U Damewanchwa da kamai u 21 Run na ki 42 bol wa kynthup ya 2 tylli ki 4 Run katwa u Eleazer C Dkhar won da kamai u 17 Run na ki 23 bol wa kynthup wa 2 tylli ki 4 Run.
Na kiwa kawang bol ka Wahiajer, u Damewan Lhuid da yoh u pynhaap 3 Wicket na ki 6 Over katwa u Heimon Dkhar (C), u Mebanker Suting wa u George Ryngkhlem da yoh ki u pynhaap mar 2 Wicket samen.
Hawa kdong ya ka thong, ka Wahiajer da ye ko u jop deiwa kamai 109 Run na ki 17.3 Over wei da haap ko du 2 Wicket. Napyrdi kiwa Bat, u Jerimaia Mukhim da kamai u 32 Run na ki 36 bol wa kynthup kawi ka 6 Run wa 4 tylli ki 4 Run, u Heimon Dkhar (C) won da kamai u 29 Run khlem haap na ki 42 bol wa kynthup ya 4 tylli ki 4 Run, katwa u George Ryngkhlem won da kamai u 23 Run khlem haap na ki 13 bol wa kynthup ya kawi ka 6 Run wa 4 tylli ki 4 Run.
Na ki kawang bol ka Mowkaiaw, u Sanvert BKurkalang wa u Eleazer C Dkhar da yoh ki u pynhaap mar chi Wicket samen.
Yei naam Man of the Match da yoh rah da u Heimon Dkhar, u Captain ka Wahiajer.
Ka yalehke ha ka 06-03-26 toh hapyrdi ka West Jaintia Police pyrchah ya ka Shangpung SC heipor 9:00 waje i step.
Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches.
Discussion about this post