Ka yalehke ynne ka sngi da man ko kawa jem chiliang hapyrdi ka Lion S.&Y.A. pyrchah ya ka Khimusniang S.C., heiwa ka Lion S.&Y.A. da jop ko hadooh 162 run.
Ya ka kyllakhlem da jop da ka Lion S.&Y.A. wei da kam ko wow tied chwa. Ka Lion S.&Y.A. hawa lai tied nyngkong da kamai ko 253 run na ki 35 over wei da haap ko du 4 wicket. U Nick Dan daman u watied wa paw bha ynne ka sngi napyrdi kiwa tied yong ka Lion S.&Y.A. deiwa tied u samen 100 run (khlem out) na ki 76 ball deilang wa ynru tylli ki Six (6) wa soo tylli ki Four (4). Kiwi won wada noh synniang ha ka wow tied wow pynku ya ka thong toh u Firstborn Son Dkhar 41 (35), u Deibormi Rngad (C) 29 (24) wa u Tammiki Tariang 27 (55). U Nibiangmon Sutnga, u wa kawang ball yong ka Khimusniang S.C. da yoh u wow pynhaap 2 wicket na ki 7 over.
Ka Khimusniang S.C. ha ka pali yong ka wow beh ya ka thong, kiwa tied yong ka da haap ki uwi hadien uwi neidaw wa kiwa kawang ball yong ka Lion S.&Y.A. stat ware ki u pynhaap ya ka ball wei kamtæ chem chitom ki u chna run wei da ye ki u tied waroh deilang du 91 run wei da haap ki waroh 10 wicket ha ka over kawa 20.4. Napyrdi kiwa tied yong ka Khimusniang S.C. toh du Ebormi Sutnga 18 (11), u Mebanroy Bamon 16 (29) wa u Nibiangmon Sutnga 14 (22) kiwa ye u kamai ar digit. U Deibormi Rngad (C), u wa kawang ball yong ka Lion S.&Y.A. da lehke bha u haka bowling deiwa yoh u pynhaap 5 wicket na ki 6.4 over wei da yoh khur u leh ya i naam Man of the Match.
Ka yalehke mynstep ka sngi toh hapyrdi ka Mupliang S.C. pyrchah ya ka West Jaiñtia Police CC heipor 9.00 i step.
Ya ka digital live score yong kani ka league phi u pait ha: https://cricheroes.com/tournament/1406553/wjhdca-district-cricket-league-2025
Discussion about this post