I dooh bordiñ ha kylleiñ ki thaw da jia i ha kiwa boon ki thaw wei ha kani ka kynti ki paidbah ka chnong Nangbah da pyntip ki wa da dooh bordiñ ka chnong ki kattu la soo sngi.
Hawa yaklam wa ki sahep ka MeECL, da pyntip ki wa i daw toh wa pat ki chrot bordiñ wa em ha iwi i thaw ha Mookaswan ya iwa tip kam i Umkyrpang.
Da ong wa em i tih chyiap harood i thaw wa pynyieñ ya ki chrot bordiñ kiwa em le tylli kiwa pynyieñ lang (Structure) wei da pynman yei khyndaw u sdang oor i (hadien wa joor slap) wei ha kini ki sngi wa dadep da pat kini ki chrot wei kini ki chrot da taan lang ki ya kiwi tawon ki chrot kiwa pynpoor sainar lang wei da em leh kiwi ki chrot kiwa em hei maa wow pat neidaw wa da em wa tih narood i thaw wa pynyieñ ya ki chrot.
I daw wa slem wow kylliang ya kini ki chrot toh wa hap pynyieñ da kiwa thymme wei ka luti wow lai cha ini i thaw toh na ki stiar.
Chooh chooh da pyntip wa da thut leh chawi tawon ki thaw wei daw chimpor sa kamwa 3 sngi wow pynyieñ ya kini kiwa thymme. Katkam wa man kattæ i kreh wow kylliang thymme ya ki chrot da man iwa da sdang.
