Jowai: Ynne ka sngi heipor kamwa 11:00 waje ha Ummulong Pohskur da em iwa jia wa sñiawsih heiwa kawi ka bru wa dang punkhon da chah taan ko ha ka kari Mahindra Pick-up hadooh wa khlaad ko.
Ka Banisha Dkhar wa u kurim ko u Heplin Saitwai heipor dang mut ki wow li kit tiar yong yung da ka kari yow lai sah ki cha chnong yong ki cha Namdong kam wow yang yei kha ya i khon da pynyieñ ki ya ka kari hei thaw wa chariñ.
Heipor wa pynyieñ u kurim ya ka kari da phah u ya ka kurim u wow pynchah da u moo ha ka chaka khmat yow lait ka kari u kai tangwa neidaw wa khian u moo wa booh ka kurim u, u Heplin da hiar u na ka kari yow booh da uwi u moo wa heh wei heini i por ka kari kai ko syndet syndet cha khmat wei da patah ko ya ka Banisha kamjooh ya oo leh hadooh wa da mynsoo joor bha ki.
Da pynkit ya ki cha Dr. Norman Tunnel Hospital, Jowai heiwa da khlaad ka Banisha.
Discussion about this post