Dooh khih ki tre chnong wa boon ki truck na baar wa wan kamai cha War Jaiñtia: KSU-WJC

Jowai: Ka Jaintia Students’ Union-War Jaiñtia Circle ha i yahkhmat u President yong ka u Eddy Kery Pohtam, u General Secretary u Kerrydiam Lamin wa u Vice President u Jai Pohshna da lai yachem ki ya u Executive Member wa pait yaka chnat Trading License ka JHADC, u Winning G Sungoh wow e ya ka dorkhat wow khang ya i e Trading License ya ki dkhar namo ki Non-Tribal khamtam ya ki kari truck wa kit moo hapoh ka thaaiñ War Jaiñtia katkam ka aiñ Trading by Non Tribals, Jaintia Hills Autonomous District Council, 2015.

Ka seiñ da pynsñiaw ko wa na ki 2000 tylli ki truck kiwa yieñ laiñ wow challan ya u moochuni cha Bangladesh, du 200 tylli ki truk kiwa ye u psiah cha Land Custom ha ka chi sngi iwa mut wa lada kheiñ chimpor ko 10 sngi ya ki 2000 tylli nadooh ki thaw tih moo chadooh cha thaw pynhap moo hanlada i jngai man i du kamwa 30 Km donhi.

Ini i jrong u laiñ toh neidaw wa boon palat kiwa wan kamai kitnong ki tre kari ki dkhar kawa pynman ya ki tre kari ki Khasi wow doohnong nadooh kiwa yah kari wa ki tre kari wym yoh ki ya ka kamai kawa biang. Kamtæ ka seiñ da kyrpaad ko wow chimkhia wow pyndooh wei wym toh u e ya ka Trading License ya kiwa nabaar kam ya ki dkhar kiwa daw knieh ya ka laad kamai kawa em hapoh ka thaaiñ Ri War Jaintia.

Ka JSU War Jaiñtia Circle da kyntu ko leh ha ka dorkhat wa ym toh u e leh ya ka Labour License katkam ka aiñ Trading by Non Tribals, Jaintia Hills Autonomous District Council, 2015 ya ki baar jylla lada ya ki kaam wa leh ki ye ka jaitbru u kreh nadooh ki kaam Export  Manager, Quarry Manager, kiwa yah truck, kiwa bood truck, kiwa saam kot næ chithi, kiwa chong dukan wa kiwi kiwi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha i jooh i por ka seiñ da kyrpaad ko leh ya ki waheh chnong lyngba ki dorbar chnong wa ym toh u e ki ya i mynjur lane i tyrwa (Recommendation) wow e laad ya u dkhar (Non-Tribal) wow kamai hapoh u pood u ang yong ka War Jaiñtia wa ka Jaiñtia Hills hi waroh kawi.

Neiliang u Winning G Sungoh da kular u leh wow chimkhia ya ini wei da kyntu u ya ki bor chnong wym toh u pdiang ya i paan bor namo ka Recommendation wow yohlaad u dkhar wei da kyrpaad leh ya ki bru ka thaaiñ wa ka seiñ wow ya ksohkti lang wow pyndooh ya kani deiwa ya krehlang. Kamtæ ka seiñ da kyrpaad ko ya ki bor yong ka JHADC wow chimkhia wei wym toh u e kulmar ya ka laad wow kamai u kiwa poi ei wei ya ka dorbar chnong wow man ko kawa husiar.