Kiwa chi yung chi sem kiwa lai ke cha Lonavala iwa em hajan Mumbai da chah rah ki ha ka um wa khlan heiwa da dooh yei mynsien ki le ngut na ki wei dang thooh sa ya ar ngut kiwa da suba wa da khlaad noh.
Kani ka manyung kawa em 7 ngut, da yoh ki bru wow riñ Video yeiwa jia ya ki heiwa da yoo wa sahkut ki hapyrdi ka wah heiwa ki khon ki da yaleh ki wow ksoh ya ka bei wa u pa ki yow lait u chah rah ha ka um tangwa neidaw wa joor khlan ka um da chah rah ki waroh cha wah heiwa ar ngut da ye ki wow yimpa yow lait im.
Ini i thaw wa jia toh iwa pawnaam bha wa kiwa lai uiñke suwari kamjooh kiwa lai baam doh hajan kawi ka kchaaid wa em ka Bhusi Dam tangwa neidaw wa joor u slap ynnin, da chlai kani ka Dam heiwa kani ka kchaaid leh da sdang ko wow heh.
Ini toh iwa da jia ynnin heipor kamwa 1:30 i sngi heiwa kiwa khlaad toh ka manbei kawa 36 snem wa ar ngut ki khon kynthai kiwa 13 wa 8 snem wei kiwa dang wiar toh uwa 4 snem wa kawa 9 snem. I thooh ya ki arngut kiwi ki khon da pteiñ i ynne i step.
Katkam wa pyntip da ki pulit, kani ka manyung hadien wa wan bia da lai ki da ka Bus deilang wa kiwi kiwa na Sayyad Nagar yow lait pait ya ka kchaaid kawa em cha wah ka Bhushi Dam tangwa ym tip ki wa da heh um neidaw wa joor u slap.
Da suba wa ini da jia i ya ki heipor wa mut ki wow kaap ya kani ka wah khian tangwa da wan syndet ka um wa heh wei da sahkut ki hajrong uwi u moo heiwa ki paidbah wa em cha jan da pyrchang ki wow yarap ki deiwa kawang da u tylle tangwa da chah rah noh ki ha ka um.
Discussion about this post