San ngut ki bru da dooh ki yei mynsien ki hadien wa kawi ka kari Maruti Alto (ML-05U-4926) da noh ko cha synrang hei miet ka 3 tarik ha u sarok Shillong-Dawki hajan Rngain ha ka thaaiñ Lad Mawkhap.
Kini kiwa em hapoh kari toh kiwa wan na Shillong yow lai cheiliang Lyngkyrdem kiwa kynthup ya ar ngut ki kynthai, iwi i khynnah wa ar ngut ki chynrang wei da suba wa ye u man nei tlær u sarok da noh ka kari chapoh synrang iwa da jia heipor kamwa 10:00 waje haroh wei ini i thaw toh iwa joor bha i oor khyndaw wei neiliang ka sorkar leh da jooh khang ko ya uni u sarok neipor cheipor.
Ki pulit leh da pyntikna ki yeini wa da khlaad noh kini ki 5 ngut wei yei metyap da wan wow lai sai noh da ki bru ka State Disaster Response Force (SDRF).
Uni u sarok leh toh uwa dang em hei chna pynheh kattæ wei kut wa joor u slap da man u uwa maa bha u pynemkaam khamtam dei miet wei ym em leh ki kynja Guard Wall næ kiwon kiwon ki jait kær ha kini ki bynta wa jia ini.
I bynta u sarok nadooh na Laitlyngkot chadooh Lyngyrdem toh iwa da khang ka sorkar u pynemkaam nadooh 11:00 waje i step hadooh 4:00 waje i janmiet wa nadooh 9:00 waje i miet hadooh 4:00 waje i step.
Discussion about this post