Ki artylli ki seiñbhalang kitæ ka Hynniewtrep Youths’ Council (HYC)-EJC wa ka Jaintia Youth Federation (JYF)-EJH da pynsñiaw ki yei sñiawkhia wei i beiñ joor yei chah pynyap dusmon ka khynnah skur kawa naka chnong Pamrakmai ha ki bru thrang snam deiwa ong leh wa ini i jia da man i kam i jooh wa jia ha u snem wa da dep.
Kamtæ da ong wa ini i jia wa arsien wa ki khynnah skur da chah chim noh yei mynsien wa kordor yong ki khlem da toh por, da pyndooh mynsien wei pyntieñ ko ya ki khynnah kynthai yong i kiwa em i mon wa i sap wow puræ puthi wa ha kiwi kiwi ki kaam wot hadooh wow mih na yung leh da pyntieñ ya ki.
Neiliang yong ki seiñ da dawa joor ki wow pynchitom ya ki bru wa emkti ha ini i jia khnang wa ym jia dei neini chakhmat, deiwa kyrpaad joor leh ya ki bru yong ka aiñ wa ym toh wow kheiñstiñ ya ini wei wow chimkhia u pynman yaka takit wa bniah yow thooh wei pynchitom ya kam kini ki bru kwah snam.
