Ka FKJGP-East Jaiñtia Hills District Unit da thoh ko cha u DC yow ujor kamjooh wow dawa thung ya u Tourism Officer wa pura neibynta ka East Jaiñtia neibhah i wym em uni da man ko i dooh nong bha ya ka District heiyatoh wa ki kaam uiñke suwari.
Da ong leh wa ki kaam uiñke suwari toh kiwa yarap bha yei kamai kajih kiwa chong chnong tangwa khlem da em u Tourism Officer ym biang leh i kdaw i pynyoo luti chaphang ki thaw uiñke suwari wei ym ye leh wow pynku pynbha ya kini ki thaw waroh.
Ini waroh da ktah ko leh ya ki bru wa imja wei kiwa kamai na kini ki kaam najrong wa ktah leh ya kiwa uiñke suwari kiwa wan na ki thaw wa jngai leh ymtip ki neiwon u kylli chaphang ki thaw uiñke suwari wa em hapoh ka District.
Waroh iwa em hapoh ka District leh ym ye wow pynkoo neibhah deiwa em u Tourism Officer ye u wow khut ya krehlang yow pynman ki tamasa wa kiwi de kiwa daw yarap wow pynpawnaam ya ka thaaiñ.
Kamtæ ka seiñ da dawa ko wow pynyoh smat noh ya u Tourism Officer neibynta ka District.
Discussion about this post