Katkam wa pyntip ki pulit, hei janmiet ka 4 tarik uni u bnai heipor kamwa 4:30 uwi u khynnah da rah ya oo cha Dr. Norman Tunnel Hospital Jowai heiwa da khlaad noh u hadien wa chah tyrrah kari u ha New Hill, Jowai hajan ka Petrol Pump.
Uni u khynnah wa dang 7 snem i rta da chah tyrrah u haka kari Pickup (Piaggio) wa em yow Number ML-11-4758 wa yah da u Langki Phawa wei ini da jia i heipor wa uni u khynnah dang phet u yow poi cha chilliang sarok wei kani ka kari toh kawa wan neiliang Iawmusiang heiwa da chah yooh u ha kani ka kari.
Uwa khlaad da tip kam u Riveil Lamurong uwa chong wa sah ha Ladthadlaboh wei hadien wa pyndep ya ka Post Mortem ha Ialong Civil Hospital da e kti noh ya oo cha kiwa hayung hasem ynne i step.
