Shillong: Kawi ka manbei da dooh ko yei mynsien ko hadien wa chah tyrrah ka kari wa lai luti ko ha kawi ka truck ha i chnong Mawroh, West Khasi Hills District heipor kamwa 7 waje i step ynne ka sngi.
Ki pulit da pyntip ki waka truck wa em ya u number AS-01DD-7036 wa wan na Shillong, manda poi ko ha i thaw wa dong u sarok kani ka truck da tyrrah ko ya kawi ka Alto wa em ya u number ML-06-7353 wei da toh ko na ka dwar dien wa na timun wa chong ka Rose Lyngdoh (56 snem) wa na ka chnong Laitkseh wei da mynsoo ko na i bynta i khlieh wei da khlaad ko pyn ha ini i thaw.
Da suba wa kani ka truck toh kawa pynher bha wei manda poi ha wa dong u sarok da lai bait wei ym ye de ko u dong.
Hapoh kani ka Alto da em leh sa 4 ngut kiwa mut u lai cha Shillong wa kynthup leh wa u kurim wa u khon kawa khlaad wei ki da mynsoo ki wei da pynkit ya ki da ka kari 108.
Discussion about this post