Shillong: Ynne i step heipor kamwa 8 waje da em i yatyrrah kari heiwa da dooh yei mynsien yong ki soo ngut wei da mynsoo ynru ngut ki bru.
Ini i yatyrrah kari da jia i ha chnong Mawpun wa em hajan Umroi ha Ri-Bhoi District heiwa kawi ka kari Sumo da chah tyrrah ko ha kawi ka Truck ha u sarok Shillong Bypass.
Hapoh kani ka Sumo da em 10 ngut ki bru waroh chirup wa uwa yah kari uwa da dooh yei mynsien wa ki le ngut ki kynthai wa chong kari.
Ya kiwa khlaad ym pu tip pyrtuid wei uwa yah ka Truck wa tyrrah ya kani ka Sumo da yut u na ini i thaw, ya kiwa mynsoo da kit cha Shillong Civil Hospital.
Ka Sumo toh kawa mih na Lumshnong wow lai cha Guwahati kawa em ya u number ML-11-5377 ka truck won toh kawa em ya u number NL-01-AA-5835.
Update:
Kiwa khlaad da tip kam u Kingson Salehe uwa yah kari (30 snem), ka Moni Borah (24 snem), ka Niti Jontimai Koch (50 snem) waka Nuti Moni Borah (17 snem) kiwa mynsoo won toh u Rohit Giri (27 snem), u Gautam Kumar, ka Bhanu Dey Talukdar (31 snem), ka Baby Twinkle Borah (2 snem), u Ram Patro (26 snem) wa u Santosh Kumar Yadav (34 snem).
Discussion about this post